ممنوع الكلام
ممنوع الكلام
ممنوع الجدال
ممنوع الحوار
والزيت ممنوع من البيت
والعيش اشتقت له وحنيت
واللحمة اعرفها فى الحواديت
حتى الماء منه ما ارتويت
والاسعار تكوى فى جسمى
خلاص كفاية انا اتهريت
وممنوع من الكلام او التصويت
ممنوع الكلام
ممنوع الجدال
ممنوع الحوار
الفول غالى و مولع نار
مش لاقى اكل ليه وللحمار
والعدس اشتريه بالدولار
وممنوع الكلام عن الاسعار
ولو تكلمت انت أو الحمار
يبقى انت سبب الغلاء والانهيار
تلفق لك تهمة بالاعتقال يصدر القرار
ان فلان ابن فلان يملك اسلحة الدمار
ويقلب عليك العالم انت والحمار
فاحسن لك ممنوع الكلام
ممنوع الجدال ممنوع الحوار
ممنوع الاكل ممنوع الشرب
والهوا هيبقى بتابور انتظار
ممنوع الكلام
ممنوع الجدال
ممنوع الحوار
كان المرتب بيكفى اسبوع
والان ما بيكفى العيش المرفوع
وباقي الشهر نموت من الجوع
ولو اشتكيت صوتك مش مسموع
ويطللك الف منافق ومنافق
اللي عقله فى الخمرة منقوع
ويقولك افل افل على الموضوع
الدنيا ربيع والجو بديع
واحسن لك بلاش تتكلم فى الممنوع
ممنوع الكلام
ممنوع الجدال
ممنوع الحوار
ليست هناك تعليقات:
إرسال تعليق